O Laboratorio de Saúde Pública de Galicia (LSPG) é a unidade provedora das determinacións analíticas derivadas dos programas de vixilancia e control oficial que realiza a Dirección Xeral de Saúde Pública da Consellería de Sanidade da Xunta de Galicia no ámbito da protección da saúde, é dicir, no ámbito da saúde ambiental e da seguridade alimentaria. O LSPG atópase nun momento de cambio no que é imprescindible dispoñer dunha estratexia global que contemple as liñas de actuación arredor das cales xirará a actividade da organización nos próximos cinco anos e defina os obxectivos a acadar durante o período de vixencia.