A presente Guía Práctica de Feridas traumáticas agudas de partes brandas (Guía Práctica nº8) intégrase dentro da Colección de Guías Prácticas de Feridas do Servizo Galego de Saúde (SERGAS); de acordo coas estratexias e liñas de acción promovidas a través do Programa Úlceras Fóra que coordina a Subdirección Xeral de Xestión Asistencial e Innovación. Esta guía confórmase coma unha síntese das mellores intervencións e prácticas preventivas ou terapéuticas dispoñibles para o coidado das persoas con feridas traumáticas agudas nas partes brandas, segundo a práctica clínica baseada na evidencia máis actual.