Dentro do Programa de prevención e control dos centros de bronceado, realizado na Dirección Xeral de Innovación e Xestión da Saúde Pública dende o ano 2006, un dos aspectos máis relevantes é a difusión de información aos usuarios destes centros, máis en épocas estivais nas que o uso e abuso destas prácticas ten relevancia para a saúde da poboación. Este folleto informativo está dirixido aos usuarios dos aparellos de bronceado artificial. Inclúese información sobre os riscos para a saúde da exposición ás radiacións ultravioleta, recomendacións e precaucións a seguir para previr ditos riscos, e requisitos que teñen que cumprir os centros de bronceado.