Informe que ten como obxectivo avaliar a efectividade e seguridade das próteses de pene no tratamento da disfunción eréctil. Para iso seleccionáronse 52 artigos, observándose porcentaxes de supervivencia protésica aos 5 anos do 78-91% e sendo as complicacións cirúrxicas do 3-8%. Os erros mecánicos e a infección foron menores nas próteses semirríxidas que nas hinchables, obténdose altos niveis de satisfacción postoperatoria, tanto entre os pacientes como nas súas parellas, maiores incluso que co resto de tratamentos dispoñibles na actualidade.