Autismo Galicia, é unha Federación que engloba ás Entidades, Fundacións e Asociacións de pais, nais, titores e profesionais, protectoras de Persoas con Trastornos do Espectro do Autismo (TEA) da Comunidade Autónoma de Galicia.
A nosa misión é mellorar a calidade de vida das persoas con TEA e das súas familias, os destinatarios/as dos nosos servizos son as entidades galegas que desenvolven o seu labor con este colectivo de Persoas afectadas con Trastornos do Espectro do Autismo.
A Federación Autismo Galicia, constitúe un referente de servizos técnicos e sociais que contribúe ao deseño de políticas de inclusión social e é, un referente formativo e informativo que contribúe a visualizar a realidade das Persoas con TEA e das súas familias. Promovemos o consenso nos obxectivos e liñas de actuación entre as entidades que traballan no ámbito do Autismo en Galicia, ás que prestamos servizos complementarios cun estilo que fomenta a participación, a transparencia, a solidariedade e o exercicio democrático.
Os valores que defendemos son:
- Consideración da persoa con TEA como suxeito con dereitos e deberes en igualdade de condicións ao resto das persoas.
- Calidade total nas entidades e servizos.
- o Importancia da familia en todos os programas orientados á intervención coas persoas con TEA.
- o Necesidade de colaboración entre profesionais e familias para un funcionamento eficiente e de calidade das entidades.
Autismo Galicia desenvolve proxectos relacionados con:
- Promoción do emprego real e efectivo das Persoas con TEA e as súas familias: a través de programas de integración e orientación laboral.
- Programas de ocio e tempo libre, respiro familiar, formación a nais e pais coidadores, xornadas formativas e de autoapoio para familias.
- Voluntariado.
- Orientación e asesoramento a familias, prestando un servizo de apoio inicial e facendo as oportunas derivacións a aquelas das nosas entidades que dispoñen de servizos especializados para o diagnóstico, valoración e orientación.
- Formación interna e externa, promoción e divulgación científica.
- Sensibilización, información e difusión dos Trastornos do Espectro do Autismo.