En Amencer-ASPACE ofrecemos atención e servizos profesionais especializados dirixidos a persoas con trastornos de orixe neuromotora, acompañándoas ao longo das diferentes etapas da súa vida.
Contamos cunha rede de recursos que inclúe centros de día, centros de educación especial e servizos de rehabilitación externa, entre outros, adaptados ás necesidades, características e procesos individuais de cada persoa usuaria.
Dispomos dunha rede de centros que nos permite ofrecer atención ao longo de todo o ciclo vital das persoas con parálise cerebral e/ou patoloxías afíns.
- Centro de Atención Integral Amencer-ASPACE (Lourizán, Pontevedra)
Conta cun centro educativo, un centro de día e un servizo de rehabilitación externa.
- Centro de Atención Integral Amencer-ASPACE Vigo
Conta cun centro educativo, un centro de recursos e un servizo de rehabilitación externa dotado coa última tecnoloxía en robótica aplicada á rehabilitación neurolóxica.
- Centro de Atención Integral Princesa Letizia (Vilagarcía de Arousa)
Conta cun centro educativo, un centro de día e un apartamento titorizado totalmente adaptado para a realización de respiros familiares e estadías temporais.
- Vivenda Residencial Amencer-ASPACE (Pontevedra)
Inaugurada en setembro de 2024, conta cunhas instalacións totalmente adaptadas para persoas con grandes necesidades de apoio. Dispón de 30 prazas distribuídas en habitacións individuais e compartidas.
- Centro de Día Amencer-ASPACE (Campolongo, Pontevedra)
Dirixido a persoas con parálise cerebral fóra da idade escolar, conta con 17 prazas e ofrece unha atención especializada nun contorno adaptado ás súas necesidades. O seu labor céntrase en potenciar as capacidades de cada persoa, promover a súa participación social, facilitar a adquisición de habilidades para o desenvolvemento persoal e manter as súas potencialidades, respectando sempre os seus intereses e proxectos de vida.