En Amencer-ASPACE levamos desde 1991 dedicándonos á atención das persoas con parálise cerebral e discapacidades afíns.
O noso reto é ofrecer unha atención personalizada, dando resposta ás necesidades de cada persoa, apoiándoa e acompañándoa na defensa dos seus dereitos, facilitando a súa participación activa na sociedade e contribuíndo á mellora da súa calidade de vida. Traballamos para promover o seu desenvolvemento persoal e favorecer a igualdade de oportunidades.
Cada día procuramos que o noso labor sexa un reflexo dos valores que nos definen:
- Benestar. Esforzámonos por ofrecer o maior confort e a mellor calidade de vida posible a cada persoa usuaria.
- Autonomía. Traballamos para potenciar as súas capacidades e favorecer o maior grao de independencia posible.
- Proximidade. Queremos que as familias nos sintades como un membro máis; estamos aquí para apoiarvos e acompañarvos no día a día.
- Profesionalidade. Formámonos e actualizámonos de maneira continua para aplicar as técnicas máis innovadoras e garantir unha atención da máxima calidade.