Espazo para asociacións de doentes

Servizos

Alcohólicos Anónimos non fai campañas de promoción para captar membros. OFRECE axuda ás persoas alcohólicas que queren lograr a súa sobriedade. Non fai seguimento dos seus membros.
Non lles vixía para comprobar que non beben. AXUDA ás persoas alcohólicas a axudarse a si mesmas.
Non é unha organización relixiosa. Cada membro pode ter e desenvolver as súas propias ideas sobre o sentido da vida.
Non é unha organización de carácter médico. Non proporciona medicamentos nin diagnósticos, nin servizos psiquiátricos.
Non dirixe nin ten hospitais ou centros sanitarios; non subministra servizos de hospitalización.
Non está afiliada a ningunha outra organización. Pero coopera con organización que combaten o alcoholismo. Algúns membros traballan nestas organizacións, pero sempre o fan a título persoal, nunca como representantes de Alcohólicos Anónimos ou no seu nome.
Non acepta diñeiro de fontes alleas, sexan públicas ou privadas.
Non ofrece servizos de asistencia social. Non proporciona aloxamento, comida, traballo ou diñeiro. AXUDA ás persoas alcohólicas a manterse sobrias para acadar estas cosas por si mesmas.
Polo principio do anonimato, incluído no propio nome da Comunidade, Alcohólicos Anónimos non quere que se revele o nome dos seus membros pola radio, prensa ou TV. Por iso mesmo, os membros de Alcohólicos Anónimos nunca revelan o nome doutros membros a persoas de fóra. Pero os membros de A.A. no están avergonzados por selo. Unicamente queren MOTIVAR a outros alcohólicos a que busquen axuda na Comunidade e non pretenden ser considerados como heroes ou heroínas só por coidar da súa propia saúde.
A.A. non proporciona certificacións nin cartas de recomendación a órganos penais de liberdade condicional, autoridades xudiciais, empresas, institucións sociais e similares.

Consellería de Sanidade - Servizo Galego de Saúde

Xunta de Galicia