A Asociación foi fundada por un grupo de persoas formado por pacientes desta enfermidade rara chamada Amiloidosis, xunto a familiares e amigos, co fin de compartir experiencias, apoiarnos, visibilizar a nosa doenza e sumar esforzos para conseguir solucións aos problemas que se vaian presentando no noso día a día.

Con este fin constitúese como tal asociación, sen ánimo de lucro, coa denominación de “AMILOIDOSISVISIBLE. Asociación para a defensa dos pacientes de Amiloidosis” ao amparo da Lei Orgánica 1/2002, do 22 de marzo, reguladora do Dereito de Asociación e normas complementarias, con capacidade xurídica e plena capacidade de obrar.

O ámbito de actuación é nacional, con sede social en Gijón, e cunha actividade destacada en Asturias e en Galicia. É así que o pasado 7 de marzo de 2023 presentamos á nosa asociación na sede do Colexio de Médicos da Coruña e mantemos contacto con profesionais e directivos da Consellería de Sanidade.