Misión

AGADHEMO é unha entidade sen ánimo de lucro que traballa para conseguir a normalización social e sanitaria e a mellora na calidade de vida das persoas con coagulopatías conxénitas e as súas familias, a través da defensa e promoción dos seus dereitos e a prestación de servizos que lles proporcionen unha atención integral.

Visión

Unha organización consolidada, con un grupo de profesionais estable, que sirve de referencia a outras entidades nacionais e internacionais que traballan no mesmo ámbito de actuación.

Promotora do cambio social en canto a atención e o tratamento en comunidades menos favorecidas, conseguindo que as persoas con coagulopatías conxénitas poidan ter acceso a todos os recursos sociosanitarios normalizados.

Valores

• Transparencia na xestión e realización de actividades.
• Coñecemento amplo do que supoñen as coagulopatías conxénitas.
• Eficacia e eficiencia na xestión de recursos e na implementación de actividades.
• Relación: Busca de colaboracións, alianzas, convenios, redes, de cara a atopar os apoios necesarios na sociedade para mellorar a situación do colectivo.
• Traballo en equipo na xestión e implementación das actividades.
• Apoio mutuo, entendido no colectivo como “una gran familia”.
• Profesionalidade: Equipo de profesionais capacitados que garantan a eficacia ea eficiencia.

Principais fins estatutarios

• Impulsar e promover a toma de conciencia social e institucional das problemáticas das persoas con hemofilia e con outras coagulopatías conxénitas.
• Contribuír a cubrir as necesidades que se detectan nos ámbitos da asistencia médica, educación, formación e orientación laboral do colectivo.
• Proporcionar información ós afectados e os seus familiares.
• Promover a afiliación á asociación de residentes en Galicia con hemofilia.
• Impulsar as relacións con outras asociacións, organismos e institucións.