Dano Cerebral Galicia
Dano Cerebral Galicia (a Federación Galega de Dano Cerebral) é a entidade que, desde 2007, defende os dereitos das persoas con dano cerebral adquirido e das súas familias en Galicia. Somos unha federación integrada polas cinco asociacións de dano cerebral adquirido do noso país, presentes nas cidades da Coruña, Lugo, Ourense, Santiago e Vigo. Xuntas suman máis de 2.000 persoas socias.
Dano Cerebral Galicia está declarada Asociación de Utilidade Pública desde decembro de 2013.