Obxectivos principais

• Apoiar ás persoas afectadas, porque o Linfedema é unha enfermidade pouco coñecida que, polo xeral, se diagnostica tarde.
• Proporcionar información e asesoramento sobre síntomas, recursos, coidados e tratamentos, para facilitar o seu acceso á atención sanitaria.
• Fomentar e potenciar a autonomía persoal para que as persoas afectadas e a súa contorna afectiva poida colaborar no mantemento das melloras sanitarias obtidas, favorecendo a súa calidade de vida.
• Poñer en contacto ás persoas asociadas para compartir puntos de vista, experiencias e necesidades do colectivo de persoas afectadas e familiares/contorna afectiva.
• Difundir o coñecemento da patoloxía ao conxunto da sociedade.
• Sensibilizar a profesionais e organismos administrativos e sanitarios competentes para lograr unha mellor atención médica e humana.
• Implicar as/os profesionais nos coidados durante o desenvolvemento da enfermidade.
• Promover a investigación e mellora dos tratamentos.
• Impulsar a creación de servizos que ofrezan unha atención integral.
• Crear unidades de rehabilitación especializadas.
• Ser un órgano interlocutor ante as institucións.
• Fomentar a coordinación e cooperación coas administracións públicas e con outras asociacións con fins similares.