ASEARPO constituíuse como Asociación no ano 2013 para divulgar a problemática do día a día dos enfermos de artrites e para apoiar aos mesmos, aos seus familiares e a persoas afíns a esta enfermidade.

Queremos contribuír a facilitar toda a axuda que podamos prestar, tanto a pacientes como a familiares de enfermos de artrites, espondiloartritis e enfermos crónicos en xeral mediante o desenvolvemento das actividades necesarias, xa sexan sanitarias ou sociais, así como traballar conxuntamente coa administración para poder mellorar os servizos asistenciais.