A Asociación Xaruma é unha asociación sen ánimo de lucro que se constitúe o 13 de xuño de 2010, como unha entidade aberta á sociedade e aos medios educativos do tempo libre e da animación socio cultural coa finalidade de lograr e garantir unha mellora na calidade de vida das persoas con enfermidade mental e as súas familias, a fins de acadar a normalización da situación.

• Integración: pretendemos promocionar e integrar na comunidade a persoas con discapacidade promovendo o encontro social.
• Formación: a fins de favorecer unha formación profesional nos campos das ciencias sociais e do medioambiente
• Participación: coa finalidade de promover a participación cidadá e o encontro social en actividades de animación e integración social.
• Normalización lingüística: desenvolvendo o PXNL canto á normalización do uso do galego no eido da animación social.