Aspaym-Galicia (Asociación de Lesionados Medulares e Grandes Discapacitados Físicos de Galicia) é unha entidade sen ánimo de lucro que representa ó colectivo de Lesionados Medulares en Galicia, en defensa dos seus dereitos e necesidades en tódolos ámbitos dentro da sociedade.

Nace en 1990 como Asociación con personalidade xurídica propia e o seu ámbito territorial de actuación é a Comunidade Autónoma de Galicia, emprazándose a súa sede a escasa distancia da Unidade de Lesionados Medulares do Complexo Hospitalario Universitario da Coruña. Pertence e depende, xunto con outras 16 asociacións Aspaym repartidas por todo o territorio español, á Federación Nacional Aspaym que representa máis de 30.000 persoas en toda España e forma parte, á súa vez, da Plataforma Representativa Estatal de Discapacitados Físicos (PREDIF), con representación no CERMI estatal e no Consello Nacional de Discapacidade.