AGADEA ten como obxectivo principal mellorar a calidade de vida das persoas con Enfermidade de Alzheimer ou outra demencia e a dos seus coidadores, ao tempo que se garante a máxima integración, e favorécese a formación, comunicación e a participación na vida social. E para poder conseguir este, AGADEA traballa cos seguintes obxectivos específicos:

• Sensibilizar á poboación en xeral acerca das consecuencias e a problemática que conleva a Enfermidade de Alzheimer.
• Impulsar a cooperación e a participación da sociedade con respecto á problemática que comporta a Enfermidade de Alzheimer.
• Realentizar a progresión do deterioro e restaurar as habilidades cognitivas en desuso, partindo das funcións intelectuais conservadas.
• Adestrar estratexias para subsanar as perdas funcionais nas habilidades da vida diaria.
• Posibilitar a continuidade das accións de carácter rehabilitador durante a fin de semana.
• Facilitar ao usuario a interacción co contorno físico e humano.
• Mellorar o amor propio do enfermo, a través do reforzo positivo na realización de actividades estimulantes.
• Facilitar aos usuarios con dificultades de desprazamento o acceso normalizade aos servizos, principalmente a través do Servizo de Transporte Adaptado.
• Mellorar a calidade de vida do paciente, a súa familia e coidadores.
• Proporcionar ao familiar coidador un tempo de respiro para o seu propio coidado.
• Optimizar a conciliación da vida familiar e laboral dos coidadores a través do Servizo de Transporte Adaptado.
• Promocionar o uso da lingua galega nas actividades educativas e culturais que se desenvolven en AGADEA.
• Potenciar a promoción da cultura galega.
• Potenciar proxectos e actividades relacionadas coa educación para a saúde.
• Apoiar as publicacións periódicas e a edición de materiais didácticos.
• Fomentar a cultura de ocio e ocupación do tempo libre.