ASEM Galicia ten como finalidade a promoción de toda clase de accións e información destinadas a mellorar a calidade de vida das persoas afectadas por Enfermidades Neuromusculares (ENM), os seus familiares e o seu contorno social.

• Promocionar a agrupación dos pacientes de afeccións neuromusculares que viven en Galicia, para poder traballar de xeito coordinado na consecución de posibles solucións.
• Facilitar información sobre estas enfermidades a pacientes e familiares co fin de conseguir o seu mellor coñecemento e implicacións dos mesmos.
• Sensibilizar á administración dos problemas de curación, tratamento e prevención destas enfermidades.
• Actuar para unha mellor accesibilidade e potenciar os sistemas de axudas para os afectados a fin de alcanzar a integración social e a vida independente.
• Cooperar coas entidades que teñan por finalidade conseguir os cambios de actitude social que permitan unha mellor calidade de vida para os afectados.
• Informar e promover unha reflexión social sobre xenética curativa.