Os nenos con TDAH teñen diversas dificultades no proceso natural de aprendizaxe que soen facerse máis perceptivas segundo aumentan os contidos curriculares e as esixencias da escola.Ademáis é habitual que aparezan problemas de relación no seu entorno social que perxudican non só ó progreso académico senon tamén ó proceso madurativo da súa personalidade, debilitando a súa autoestima e socialización.ANHIDA pretende traballar para que estas trabas desaparezan mediante diversas medidas, buscando colaboración institucional , de profesionais e de pais para que novas políticas educativas senten as bases dun novo xeito de educar, ensinar e formar a estes nenos.Para isto é necesaria a participación de mestres, orientadores, asociacións de pais e nais, directores de centros educativos, etc...

O TDAH é un trastorno neurobiolóxico, é dicir, non depende da voluntariedade do neno para comportarse dun ou doutro xeito.Trátase dun problema que ten unha base física, a nivel cerebral, onde determinadas sustancias participantes nas funcións executivas superiores, teñen unha distorsión no seu funcionamento.Por iso é habitual que, nos casos nos que científicamente estea documentado o beneficio, haxa que tratalos cun fármaco.Chegado este momento é necesaria a asistencia dun equipo profesional adecuadamente cualificado, e os recursos actuais son escasos neste campo.ANHIDA traballa tamén para mellorar a rede asistencial e optimiza-los recursos que xa existen.