A ASOCIACIÓN MADRO (Nais en Defensa dos Mozos Drogodependentes) leva intervindo no campo das drogodependencias, tanto con persoas afectadas directamente como coas súas familias, desde o ano 1992, proporcionando, na medida do posible, información, apoio e asesoramento para dar resposta ás necesidades que estas persoas demandan.

Dada a gran importancia da problemática derivada do consumo e dependencia de sustancias, desde esta entidade estudouse a necesidade de actuar e intervir neste campo, polo que cremos que os diversos programas postos en marcha no seu momento debían e deben seguir executándose progresivamente ao longo dos anos, e que desde a administración poderíase fomentar a cobertura das devanditas actividades, xa que é fundamental que tanto a poboación en xeral como os propios consumidores, ou todos aqueles que se atopen en situación de risco, posúan información veraz e contrastada acerca das sustancias psicoactivas e as súas consecuencias a todos os niveis (social, relacional, económico, sanitario, laboral, etc.), para facilitar o acceso aos recursos existentes, así como superar estereotipos sociais creados acerca deste mundo tan complexo como é o das drogodependencias.