O SIO está deseñado tanto para persoas cun diagnóstico recente como para aquelas que xa teñen experiencia coa súa enfermidade e desexan mellorar a súa autonomía e benestar.

Que ofrece:

• Unha abordaxe integral e personalizada que inclúe:
• Apoio emocional dende o momento do diagnóstico.
• Orientación continua para comprender e controlar a enfermidade.
• Promover hábitos de vida saudables.
• Desenvolvemento da autonomía persoal.
• Manexo integral da enfermidade nas súas diversas vertentes.
• Acceso a recursos e ferramentas prácticas para a vida cotiá.

Os Grupos de Axuda Mutua (GAM) son unha iniciativa de ConArtritis na que participamos desde a delegación de Santiago, xunto con outras asociacións e delegacións da organización en todo o país. Estes grupos están dirixidos a persoas con artrite reumatoide, artrite psoriásica, artrite idiopática xuvenil e espondiloartritis. A súa finalidade é ofrecer un espazo seguro onde compartir experiencias, sentirse comprendidas e atopar apoio para afrontar os retos cotiáns da enfermidade. Ademais das sesións do propio grupo, tamén impulsamos diálogos e charlas con profesionais sociosanitarios que achegan información e ferramentas útiles para mellorar o benestar das persoas participantes.