logo Conselleria
logo SERGAS

Espazo para asociacións de doentes

Presentación

A artrite é unha enfermidade inflamatoria dunha ou máis articulacións caracterizada por dor, hinchazón, deformidade e/ou rixidez da articulación.

A Asociación de Artrite de Santiago é unha entidade sen ánimo de lucro creada en 2005 que brinda orientación e acompañamento aos pacientes e reivindica a visibilización e a sensibilización social sobre esta enfermidade e as súas variantes.

Constitúe un espazo aberto para o apoio mutuo e o intercambio de información e experiencias, e ofrecemos tanto orientación, a partir do mesmo momento do diagnóstico, como acompañamento en distintos procesos (solicitude da condición de minusvalía/incapacidade laboral, información sobre os tratamentos que existen, como afrontar a enfermidade a nivel persoal e familiar...).

A unión fai a forza e cantos máis pacientes participemos, máis doado será acadar os nosos obxectivos. Reivindicamos a visibilidade. Somos enfermos crónicos e moitas veces dependentes e non debemos resignarnos a unha segunda categoría na que os recursos son claramente insuficientes, e onde tamén falta a información e a sensibilización social.

Servizos da Asociación de Artrite de Santiago

  • Información ao paciente
  • Servizo xurídico
  • Convenios de colaboración con fisioterapeutas, psicólogos, podólogos, etc.
  • Conferencias e charlas en distintos centros

Consellería de Sanidade - Servizo Galego de Saúde

Xunta de Galicia