Estes obxectivos estratéxicos materialízanse nunha serie de liñas de actuación que nos marcan o camiño a seguir e permítennos cumprir a nosa misión.

• Informar e concienciar: educar á sociedade en todas as medidas e mecanismos posibles para previr a enfermidade.
• Apoiar e acompañar: estar preto dos enfermos e das súas familias, ofrecéndolles alento e soporte para diminuír o seu sufrimento.
• Promover a investigación: promover unha investigación oncolóxica excelente, servindo de ponte entre a sociedade e a comunidade científica.
• Mobilizar e influir: facer partícipe á sociedade da transcendencia da enfermidade e a necesidade de actuar fronte a ela. Presionar aos distintos estamentos públicos e privados da sociedade para que se involucren activamente na loita contra o cancro, propoñendo solucións.

• Voluntariado: máis de 700 voluntarios formados colaboran en todas as actividades da aecc na Coruña.
• Sostenibilidade económica: a través de cotas de socios, colaboración con empresas, donativos, peditorio, subvencións...
• Organización interna: unha estrutura eficaz e cohesionada.
• Alianzas e colaboracións: con entidades locais, provinciais e autonómicas que persigan un fin análogo.