Entres os nosos fins están facer difusión e achegar á sociedade un maior coñecemento sobre esta Síndrome que constitúe a primeira causa de discapacidade mental hereditaria no mundo. Tamén constitúe un fin social traballar con todos os eidos implicados no tratamento das persoas afectadas: sanitario, educativo ou social e acadar, desta maneira, que dito tratamento sexa temperá e integral, baseado nun diagnóstico eficaz, no consello xenético ás familias e na atención especializada ás persoas afectadas.

O obxectivo principal da Asociación Galega da Síndrome X Fráxil é procurar unha vida de calidade para as persoas que compoñen o noso colectivo, portadores e afectados, baseada na existencia de servizos que beneficien a prevención e a atención específica ao mesmo.