A Asociación Galega da Síndrome X Fráxil, nace en Galicia no ano 1998 co obxecto de traballar pola mellora da calidade de vida e rede de servizos para os afectados pola Síndrome X Fráxil. Somos unha entidade sen ánimo de lucro que basea a súa actuación en principios de calidade e transparencia. Forman parte da nosa entidade persoas nas que concurre a condición de ser portadoras ou afectadas pola Síndrome X Fráxil.

As persoas portadoras ou premutadas, poden ser tanto homes como mulleres, sendo estas últimas as que adoitan pasar, á seguinte xeración, a mutación do xene que provoca a Síndrome. Os portadores son asintomáticos pero poden padecer enfermidades asociadas, como o faio ovárico precoz ou o Síndrome de Tremor Ataxia. Unha de cada 250 mulleres é portadora do X Fráxil e un de cada 800 homes tamén o é.

As persoas afectadas, varóns ou mulleres, teñen discapacidade mental en grao diverso e con distintas manifestacións que van a condicionar o seu desenvolvemento vital, tamén de forma diversa. Precisan unha atención especializada que traballe sobre as manifestacións clínicas da Síndrome e sobre todo servizos específicos: sanitarios, educativos e sociais.