Resolución do 22 de febreiro de 2010,
da Dirección de Recursos Humanos, pola que se fai público o lugar e a data de
realización do segundo exercicio da fase de oposición das categorías do grupo
técnico da función administrativa, do grupo de xestión da función
administrativa, de cociñeiro, do grupo auxiliar da función administrativa e de
persoal de servizos xerais.
O
número 4 da base sexta A) da resolución da Secretaría Xeral do Servizo Galego
de Saúde, do 18 de febreiro de 2009 pola que se convoca concurso-oposición
para o ingreso en diversas categorías de persoal estatutario do Servizo Galego
de Saúde, prevé que os exercicios da fase de oposición se realizarán no lugar e
á hora anunciada no Diario Oficial de Galicia, cun mínimo de cinco días hábiles
de antelación.
Adoptado
acordo polos respectivos tribunais sobre o lugar, a data e a hora de
realización do segundo exercicio da fase de oposición, procede agora darlle
publicidade no DOG, polo que este centro directivo
RESOLVE:
Primeiro.-Convocar os aspirantes que
superaron o primeiro exercicio da fase de oposición do proceso selectivo das
categorías do grupo técnico da función administrativa e do grupo de xestión da
función administrativa para a realización do segundo exercicio consonte a
seguinte distribución:
Grupo
técnico da función administrativa, día 9 de marzo de 2010, ás 10.00 horas.
Grupo
de xestión da función administrativa, día 9 de marzo de 2010, ás 12.00 horas.
Segundo.-O exercicio será realizado na
Escola Galega de Administración Sanitaria, avenida Fernando de Casas Novoa, nº
37, edificio CNL, portal A-B, 1º andar, San Lázaro, Santiago de Compostela.
Terceiro.-Convocar os aspirantes que
superaron o primeiro exercicio da fase de oposición da categoría de cociñeiro
para a realización do segundo exercicio da fase de oposición. A devandita proba
práctica terá lugar nas datas e coa distribución seguintes:
Día
2 de marzo de 2010, ás 10.30 horas: Blanca Mª Álvarez
González, Montserrat Campos Fariñas e Miguel Cebreiro
Rey.
Día
3 de marzo de 2010, ás 10.30 horas: David Flores Fernández, Marta Loureiro Blanco e José Manuel Martínez Estévez.
Día
4 de marzo de 2010, ás 10.30 horas: José Manuel Pajón Gómez, María Pardo Cornide e Eva Pena Barrientos.
Día
5 de marzo de 2010, ás 10.30 horas: Laura Pena Juncal,
Luisa Penido Espiño e María Julia
Rochela Ramos.
Día
9 de marzo de 2010, ás 10.30 horas: Víctor Manuel Rodríguez Oreiro, Yolanda Romero Lameiro e
Francisco Salvado Ferro.
Día
10 de marzo de 2010, ás 10.30 horas: Francisca Segade
Vinagre e Juan Manuel Soto López.
Día
11 de marzo de 2010, ás 10.30 horas: José Carlos Torralba Regos e Milagros Vieites
García.
Cuarto.-Os exercicios realizaranse no
recinto do Hospital Teresa Herrera, do Complexo
Hospitalario Universitario da Coruña.
Quinto.-Os aspirantes poderán empregar a
súa propia vestimenta e ferramentas de cociña, se así o desexan.
Sexto.-Convocar os aspirantes que
superaron o primeiro exercicio da fase de oposición do proceso selectivo das
categorías do grupo auxiliar da función administrativa e de persoal de servizos
xerais para a realización do segundo exercicio consonte a seguinte
distribución:
Grupo
auxiliar da función administrativa, día 13 de marzo de 2010, ás 17.00 horas.
Persoal
de servizos xerais, día 13 de marzo de 2010, ás 18.30 horas.
De
conformidade coa base sétima da convocatoria os aspirantes que pertenzan á
categoría do grupo auxiliar da función administrativa e aspiren a acceder á
categoría de persoal de servizos xerais así como aqueles que pertenzan á
categoría de persoal de servizos xerais que aspiren a acceder á categoría do
grupo auxiliar da función administrativa, estarán exentos da realización deste
exercicio.
Sétimo.-O exercicio realizarase no
Auditorio do recinto da Feira Internacional de Galicia en Silleda (Pontevedra).
Oitavo.-Por acordo do tribunal cualificador
comunícase, para os efectos de información complementaria:
1.
Características do exercicio:
O
segundo exercicio consistirá na realización dunha serie de instrucións
informáticas co obxecto de responder un cuestionario con varias preguntas, cada
unha delas con catro respostas posibles das que só unha será a correcta.
Para
a contestación das preguntas o opositor deberá responder ás instrucións que se
poñerán á súa disposición en soporte informático, que levarán consigo o manexo
de ficheiros e mecanización dos datos que se requiran para o correcto
desenvolvemento da proba. Tanto as instrucións como o cuestionario serán
presentados nun arquivo informático con formato Word.
O
opositor deberá escribir a resposta que considere correcta na folla de
respostas que lle será entregada no momento da realización da citada proba.
Os
aspirantes disporán dun tempo limitado para a súa execución. A duración do
exercicio indicaráselles no momento da súa realización.
2.
Ferramentas:
O
opositor terá que desenvolver o exercicio de carácter práctico en soporte
informático. As preguntas propostas polo tribunal resolveranse coas seguintes
ferramentas:
Procesador
de textos: Microsoft Word 2007.
Folla
de cálculo: Microsoft Excel 2007.
Para
a resolución do cuestionario poderá exixirse a
utilización do procesador de textos, folla de cálculo ou o conxunto de ambos.
3.
Publicidade:
Os
cuestionarios serán publicados con posterioridade á realización dos exercicios
na data que se indicará o día da realización das probas.
A
cada aspirante seralle entregada unha copia da súa folla de respostas.
Noveno.-Os aspirantes terán que ir
provistos necesariamente do documento nacional de identidade ou documento
fidedigno acreditativo da súa identidade e de bolígrafo azul ou negro.
Non
se permitirá no recinto onde se realice o exercicio o acceso e posesión de
teléfonos móbiles, axendas electrónicas e calquera outro soporte con memoria.
O
chamamento é único, polo que se excluirá deste proceso quen non compareza por
calquera causa.
Décimo.-Esta resolución poderá ser
impugnada polos interesados nos termos previstos no número 2 da base décima da
citada convocatoria.
Santiago
de Compostela, 22 de febreiro de 2010.
Esperanza
Fernández Lago
Directora
de Recursos Humanos