Resolución do 15 de febreiro de 2010,
da Dirección de Recursos Humanos, relativa á conclusión da fase de oposición e
á apertura do prazo da fase de concurso.
A
base sexta B) da resolución da Secretaría Xeral do Servizo Galego de Saúde do 18
de febreiro de 2009 (DOG nº 40, do 26 de febreiro) pola que se convoca concurso-oposición para o ingreso en determinadas
categorías de persoal estatutario do Servizo Galego de Saúde, dispón que,
rematada na súa totalidade a fase de oposición, o tribunal publicará un acordo
no Diario Oficial de Galicia, no que se declarará rematada a fase de oposición
e se abrirá un prazo de 15 días hábiles, contado a partir do seguinte ao da súa
publicación, para que estes aspirantes acheguen a documentación acreditativa
dos méritos que aleguen.
Adoptado
acordo de finalización da fase de oposición polos respectivos tribunais,
procede agora darlle publicidade no Diario Oficial de Galicia, facultándose
para iso expresamente a este centro directivo, polo que
RESOLVO:
Primeiro.-Declarar rematada a fase de
oposición das categorías de albanel, calefactor/a, carpinteiro/a, celador/a, costureiro/a, electricista, enfermeiro/a especialista en obstetricia-xinecoloxía (matrón/a),
enfermeiro/a especialista en saúde mental, enxeñeiro/a técnico/a,
fisioterapeuta, fontaneiro/a, grupo administrativo da función administrativa, lavandeiro/a, logopeda,
mecánico/a, pasador/a de ferro, perruqueiro/a, persoal de enfermaría (ATS/DUE),
pinche, técnico/a de xestión de sistemas e t.i., técnico/a en coidados
auxiliares de enfermaría, técnico/a especialista de sistemas e t.i., técnico/a
especialista en anatomía patolóxica e citoloxía, técnico/a especialista en
hixiene bucodental, técnico/a especialista en imaxe para o diagnóstico clínico,
técnico/a especialista en laboratorio de diagnóstico clínico, técnico/a
especialista en radioterapia, técnico/a superior de sistemas e t.i.,
telefonista, terapeuta ocupacional e traballador/a social, de persoal
estatutario do Servizo Galego de Saúde, convocado por resolución da Secretaría
Xeral do Servizo Galego de Saúde do 18 de febreiro de 2009 (DOG nº 40, do 26 de
febreiro).
Segundo.-Publicar a relación dos aspirantes
que superaron a fase de oposición das citadas categorías, nos taboleiros de
anuncios dos servizos centrais e periféricos da Consellería de Sanidade e do
Servizo Galego de Saúde e na súa páxina web sergas.es.
Terceiro.-Abrir o prazo de quince días
hábiles desde o día seguinte á publicación desta resolución, para que estes
aspirantes presenten a documentación acreditativa dos méritos que aleguen nos
seguintes lugares:
a)
Na Secretaría Xeral da Consellería de Sanidade.
b)
Na Dirección de Recursos Humanos do Servizo Galego de Saúde.
c)
Nas xefaturas territoriais de Sanidade dos departamentos territoriais da Xunta
de Galicia.
d)
Nas direccións provinciais do Servizo Galego de Saúde.
e)
Nos servizos de persoal dos centros ou complexos hospitalarios do Servizo
Galego de Saúde.
f)
Nos servizos de persoal das xerencias de Atención Primaria do Servizo Galego de
Saúde.
g) A
través de calquera dos procedementos do artigo 38 da Lei 30/1992, do 26 de
novembro, modificada pola Lei 4/1999, do 13 de xaneiro, de réxime xurídico das
administracións públicas e do procedemento administrativo común.
Cuarto.-Todos
os aspirantes que superaran a fase de oposición deberán achegar
obrigatoriamente fotocopia compulsada do seu DNI e fotocopia compulsada do
título exixido para o ingreso na correspondente
categoría.
Ademais,
os que accedan polas quendas de promoción interna e de discapacitados deberán
achegar, ademais da documentación anterior, orixinal ou certificación
compulsada acreditativa, segundo os requisitos descritos nos puntos 2 e 3 da
base segunda da convocatoria.
Santiago
de Compostela, 15 de febreiro de 2010.
Esperanza
Fernández Lago
Directora
de Recursos Humanos do Servizo Galego de Saúde