Resolución
do 11 de febreiro de 2010, da Dirección de Recursos Humanos, relativa á
publicación de puntuacións definitivas dos exercicios da fase de oposición do
proceso selectivo convocado pola resolución da Secretaría Xeral do Servizo
Galego de Saúde do 18 de febreiro de 2009 (Diario Oficial de Galicia número 40,
do 26 de febreiro).
O número 11 da base sexta A) da resolución da
Secretaría Xeral do Servizo Galego de Saúde do 18 de febreiro de 2009 (DOG nº
40, do 26 de febreiro) pola que se convoca concurso-oposición
para o ingreso en determinadas categorías de persoal estatutario do Servizo
Galego de Saúde, prevé que tras a publicación provisional das puntuacións dos
exercicios, os aspirantes poderán presentar reclamación ante o tribunal no
prazo de cinco días hábiles.
A estimación ou desestimación das ditas reclamacións
entenderanse implícitas na resolución pola que se publiquen as puntuacións
definitivas dos distintos exercicios.
Á vista das reclamacións presentadas en prazo, cada
tribunal confirmou as listaxes de puntuacións definitivas outorgadas aos
aspirantes, polo que procede agora darlle publicidade, facultándose para iso
expresamente este centro directivo, polo que,
RESOLVE:
Primeiro.-Publicar as puntuacións
definitivas dos exercicios realizados, acadadas polos aspirantes das categorías
de albanel, calefactor/a, carpinteiro/a, celador/a, cociñeiro/a, costureiro/a, electricista, enfermeiro/a especialista en obstetricia-xinecoloxía (matrón/a),
enfermeiro/a especialista en saúde mental, enxeneiro/a
técnico/a, fisioterapeuta, fontaneiro/a, grupo administrativo da función
administrativa, grupo auxiliar da función administrativa, grupo de xestión da
función administrativa, grupo técnico da función administrativa, lavandeiro/a, logopeda,
mecánico/a, pasador/a de ferro, perruqueiro/a, persoal de enfermaría (ATS/DUE),
persoal de servizos xerais, pinche, técnico/a de xestión de sistemas e t.i.,
técnico/a en coidados auxiliares de enfermería, técnico/a especialista de
sistemas e t.i., técnico/a especialista en anatomía patolóxica e citoloxía,
técnico/a especialista en hixiene bucodental, técnico/a especialista en imaxe
para o diagnóstico clínico, técnico/a especialista en laboratorio de
diagnóstico clínico, técnico/a especialista en radioterapia, técnico/a superior
de sistemas e t.i., telefonista, terapeuta ocupacional e traballador/a social,
de persoal estatutario do Servizo Galego de Saúde, convocado por resolución da
Secretaría Xeral do Servizo Galego de Saúde do 18 de febreiro de 2009 (DOG nº
40, do 26 de febreiro).
A estimación ou desestimación das devanditas
reclamacións entenderanse implícitas nesta resolución de publicación.
Segundo.-Esta resolución poderá ser
impugnada polos interesados nos termos previstos no número 2 da base décima da
citada convocatoria.
Santiago de Compostela, 11 de febreiro de 2010.
Esperanza Fernández Lago
Directora de Recursos Humanos