Resolución
do 2 de xullo de 2009, da Dirección de Recursos Humanos, pola que se declaran,
con carácter definitivo, os aspirantes admitidos e excluídos para participar no
concurso-oposición para o ingreso en determinadas
categorías de persoal estatutario deste organismo.
Por resolución deste centro directivo do 14 de maio de
2009 (DOG número 99, do 22 de maio), decláranse con carácter provisional os
aspirantes admitidos e excluídos para participar no concurso oposición para o
ingreso en determinadas categorías de persoal estatutario do organismo,
convocado por resolución da Secretaría Xeral do Servizo Galego de Saúde do 18
de febreiro de 2009 (DOG número 40, do 26 de febreiro).
Rematado o prazo previsto para corrixir, se for o
caso, o defecto que motivou a súa exclusión, procede agora, de conformidade co
disposto no número 3 da base cuarta da convocatoria, ditar resolución en que se
publican as listaxes definitivas de aspirantes admitidos e excluídos para cada
categoría convocada sinalando os lugares onde poder ser examinadas.
Por todo iso, esta división
ACORDA:
Primeiro.-Publicar as listaxes
definitivas de aspirantes admitidos e excluídos nas categorías de albanel, calefactor/a,
carpinteiro/a, celador/a, cociñeiro/a, costureiro/a,
electricista, enfermeiro/a especialista en obstetricia-xinecoloxía
(matrón/a), enfermeiro/a especialista en saúde
mental, enxeñeiro/a técnico/a, fisioterapeuta, fontaneiro/a, grupo administrativo
da función administrativa, grupo auxiliar da función administrativa, grupo de
xestión da función administrativa, grupo técnico da función administrativa, lavandeiro/a, logopeda,
mecánico/a, pasador/a de ferro, perruqueiro/a, persoal de enfermaría (ATS/DUE),
persoal de servizos xerais, pinche, técnico/a de xestión de sistemas e T.I.,
técnico/a en coidados auxiliares de enfermaría, técnico/a especialista de
sistemas e T.I., técnico/a especialista en anatomía patolóxica e citoloxía,
técnico/a especialista en hixiene bucodental, técnico/a especialista en imaxe
para o diagnóstico clínico, técnico/a especialista en laboratorio de
diagnóstico clínico, técnico/a especialista en radioterapia, técnico/a superior
de sistemas e T.I., telefonista, terapeuta ocupacional e traballador/a social,
de persoal estatutario do Servizo Galego de Saúde, convocado por resolución da
Secretaría Xeral do Servizo Galego de Saúde do 18 de febreiro de 2009 (DOG
número 40, do 26 de febreiro).
Segundo.-As listaxes coa relación
definitiva de aspirantes admitidos e excluídos poderán examinarse nos
taboleiros de anuncios dos servizos centrais e periféricos da Consellería de
Sanidade e do Servizo Galego de Saúde, nos dos centros de xestión de atención
primaria e especializada do Servizo Galego de Saúde e na páxina web do Sergas (www.sergas.es).
Terceiro.-Contra esta resolución
poderase interpoñer recurso potestativo de reposición ante devandito órgano no
prazo dun mes contado desde o día seguinte ao da publicación no Diario Oficial
de Galicia, de conformidade co establecido na Lei 30/1992, do 26 de novembro,
ou poderase interpoñer directamente recurso contencioso-administrativo
ante a Sala do Contencioso-Administrativo do Tribunal
Superior de Xustiza de Galicia no prazo de dous meses contados desde a mesma
data, de conformidade co disposto no artigo 8.2º da Lei 29/1998, do 13 de
xullo, en relación co artigo 10.1º do mesmo texto legal.
Santiago de Compostela, 2 de xullo de 2009.
Esperanza Fernández Lago
Directora de Recursos Humanos do Servizo Galego de
Saúde